https://sputnik.kg/20250404/yefrem-kurochkin-kyrgyzstandan-chykkan-sovetter-soyuzunun-baatyry-1093103374.html
Ефрем Курочкин — Кыргызстандан чыккан Советтер Союзунун Баатыры
Ефрем Курочкин — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман жоокерлер боюнча... 04.04.2025, Sputnik Кыргызстан
2025-04-04T20:09+0600
2025-04-04T20:09+0600
2025-04-07T11:47+0600
ссср
улуу ата мекендик согуштагы жеңишке 80 жыл
кыргызстан
улуу ата мекендик согуш
баатыр
чабуул
орден
медаль
ефрем курочкин
https://sputnik.kg/img/07e9/03/0d/1092612437_0:89:753:512_1920x0_80_0_0_9f3f7e62a23774ca07366b64c9e886de.png
Сержант Ефрем КурочкинАл 1921-жылы 21-январда Пржевальск (азыркы Каракол) шаарында жумушчунун үй-бүлөсүндө туулган. Мектептен орто билимди толук албай эле токарь болуп иштейт. 1940-жылы армияга чакырылат.Улуу Ата Мекендик согушка 1941-жылы кирет. Июль айынан тарта Батыш, Воронеж, Брянск, Түштүк-Батыш, Беларусь жана 1, 2, 3-Беларусь фронтторунда согушуп, төрт ирет жарадар болот. Беларусту баскынчылардан бошотуудагы Минск операциясында каармандыгы менен өзгөчөлөнөт.1944-жылы 4-июлда Узляны кыштагында (Пуховичск району, Минск облусу) артиллериялык курамдын позициясын душмандын күчтүү колунан коргоодо алардын тылын айланып, чабуулга өтүп, абалды калыбына келтирген. Алты контрчабуулдун мизин кайтарган, немецтердин жүзгө чукул аскерин, офицерлерин жок кылган.СССР Жогорку Советинин президиумунун 1944-жылдын 22-августундагы жарлыгы менен командачылыктын тапшырмасын мыкты аткарганы жана көрсөткөн эрдиги, каармандыгы үчүн Ефрем Курочкинге Советтер Союзунун Баатыры наамы, Ленин ордени жана Алтын Жылдыз медалы ыйгарылган.Согуштан кийин шахтада, карагайларды суу менен ташыган жерлерде эмгектенет. Кийинчерээк мекенине кайтып келип, Жети-Өгүз районуна жайгашат. 15 жыл колхоздун тегирменин иштетет. Ефрем Курочкин 1986-жылы 13-июнда Каракол шаарында каза болот. Жети-Өгүздөгү үйлөрдүн биринде анын элесине арналып Ардак такта орнотулган.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
https://sputnik.kg/20250329/samat-sadykov-kyrgyzstandan-chykkan-sovetter-soyuzunun-baatyry-1092956407.html
ссср
Sputnik Кыргызстан
+74956456601
MIA „Rossiya Segodnya“
2025
Sputnik Кыргызстан
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
+74956456601
MIA „Rossiya Segodnya“
Sputnik Кыргызстан
+74956456601
MIA „Rossiya Segodnya“
ссср, кыргызстан, улуу ата мекендик согуш, баатыр, чабуул, орден, медаль, ефрем курочкин
ссср, кыргызстан, улуу ата мекендик согуш, баатыр, чабуул, орден, медаль, ефрем курочкин
Ефрем Курочкин — Кыргызстандан чыккан Советтер Союзунун Баатыры
20:09 04.04.2025 (Жаңыртылды: 11:47 07.04.2025) Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман жоокерлер боюнча баяндоосун улантат.
Ал 1921-жылы 21-январда Пржевальск (азыркы Каракол) шаарында жумушчунун үй-бүлөсүндө туулган. Мектептен орто билимди толук албай эле токарь болуп иштейт. 1940-жылы армияга чакырылат.
Улуу Ата Мекендик согушка 1941-жылы кирет. Июль айынан тарта Батыш, Воронеж, Брянск, Түштүк-Батыш, Беларусь жана 1, 2, 3-Беларусь фронтторунда согушуп, төрт ирет жарадар болот. Беларусту баскынчылардан бошотуудагы Минск операциясында каармандыгы менен өзгөчөлөнөт.
1944-жылы 4-июлда Узляны кыштагында (Пуховичск району, Минск облусу) артиллериялык курамдын позициясын душмандын күчтүү колунан коргоодо алардын тылын айланып, чабуулга өтүп, абалды калыбына келтирген. Алты контрчабуулдун мизин кайтарган, немецтердин жүзгө чукул аскерин, офицерлерин жок кылган.
СССР Жогорку Советинин президиумунун 1944-жылдын 22-августундагы жарлыгы менен командачылыктын тапшырмасын мыкты аткарганы жана көрсөткөн эрдиги, каармандыгы үчүн Ефрем Курочкинге Советтер Союзунун Баатыры наамы, Ленин ордени жана Алтын Жылдыз медалы ыйгарылган.
Согуштан кийин шахтада, карагайларды суу менен ташыган жерлерде эмгектенет. Кийинчерээк мекенине кайтып келип, Жети-Өгүз районуна жайгашат. 15 жыл колхоздун тегирменин иштетет. Ефрем Курочкин 1986-жылы 13-июнда Каракол шаарында каза болот. Жети-Өгүздөгү үйлөрдүн биринде анын элесине арналып Ардак такта орнотулган.
Материал ачык маалыматтардын, КР Куралдуу күчтөрүнүн жана "
Герои страны" сайтындагы материалдардын негизинде жазылды.
